======================================

ويلاه من عين بكت باخر الليل
يوم الفجر لاح وتبين ظهوره
====
حزني خطر مامضى لي من الويل
والحرف اشوفه باكيا في سطوره
====
في داخلي انسان يرسم تماثيل
وفي دمعتي شاعر يناحي شعوره
====
وفي ونتي جمره تولع قناديل
وفي خطوتي درب اعاني عبوره
====
اشكي زمان خصني بالتهاويل
وابكي حبيب (ن) دون وصله خطوره
====
بحر الهوى ياكم غرق به رجاجيل
وكم من شباب مات باول زهوره
====
قضيت عمري يالهوى دون تحصيل
كله سبب خل (ن) اسرني بنوره
====
لالي دواء ينفع ولا به تساهيل
والقبر اشوف اني قريب (ن) ازوره

===========================