الشعر يعني وبعض احيان مايعني

الشعر يعني .. وبعض احيان مايعني
والجرح ضيفا سكن بي والحشا بيته

الشعر ارضي .. يوم ان الهم زارعني
الشعر نهرا .. شربني يـوم صبيتـه

سهرّت وجهي وكف الصبح يصفعني
كني بصمتي جرحتـه يـوم ناديتـه

ياما تحلمت فـي قربـك ولوعنـي
قلـت اتحلـم ببعـدك لـو عانيتـه

يلعن ابو الحلم بس الحين طاوعني؟
لو ادري انه بيصدق كـان صحيتـه

ماانته لحالك عشان تقـول بايعنـي
كثير كسروا ذراعـي يـوم مديتـه

اكذب البعد .. ليـن الهـم يقنعنـي
كني على كثر ما اذكرنـي تناسيتـه

قبل انتفارق وتنسى جرحي اسمعني :
وش فايدة كل جرحا فـيّ خليتـه؟؟

ماقلت لك من (بعد) بعدك يسنعنـي
هلحين شفني عما فالليـل سريتـه

ضايع من الله وطاري البعد ضيعنـي
تبـي تدلـه وطالـع ويـن وديتـه

ياكبـر ظلمـك تسافـر ماتودعنـي
ماكنك اللـي ذبحنـي ليـن حبيتـه

كم قلت يا آدمـي بعـدك يروعنـي
وياكـم جرحـا يجينـي ماتحريتـه

اذكرني اليا نثرك الشوق واجمعنـي
واذكرني اليا حظنك اسمي وضميتـه

واذكرني اليا ذكرت الدمـع قطعنـي
وان مر في خاطرك رقمـي ودقيتـه

مع السلامه وقبل تسافر اسمعنـي:
تبقى اكثر انسـان بكانـي وحبيتـه

صح لسان شاعرهها

يعطيك العافية

يعطيك العافيه
صح لسانك

ابيات رائعه
يـعـطيك الـعـاافـيه
لاهنت

اسعدني تواجدكم..
لاحرمت منكم..

_

ـصحَ ـَلسآنكـَ ـع ـآلآبيآتـَ آلجميلهَـ ,,
عـ ـوآفي غـ ـلآيي
عآلطرح ,,

,,
,

صصصح لسسان شاعرها
/

ولاهنت يابعد راسي
/


ودي لك

اسعدني تواجدكم..
لاحرمت منكم..