الي يقول الحق كل حريبه!

السلام عليكم ورحمة الله وبركاته





من هاجسٍ بالشعر يضـرب مشاويـر
والنادر الوافـي يجـي مـن نصيبـه
مهو بمثـل اللـي يثيـر المعاصيـر
مـن شـان يدفـن كـل شـيٍ يعيبـه
انحت صخر ماهـو بكتبـت طباشيـر
مـن شـان تبقـى للعقـول اللبيـبـه
اجمـع للأجيـال الجديـده تقـاريـر
وأصـور احـداثٍ بعصـري رهيبـه
تعرض على شاشة صدور الشواعيـر
وتعـاد لا جـر المغـنـي سبيـبـه
بدايـة المشهـد خـرابٍ وتدمـيـر!!
ونهايـة المشهـد ظـروفٍ عصيبـه
أبطالهـا الفاسـق ونفَاخـت الكـيـر
بأسم التطور.! عذر مـن يدعـي بـه
وفيه الضحايا روس من يزرع الخيـر
وايضا العوايـد والسلـوم تغـدي بـه
قل الوفا وايضـا الرجـال المناعيـر
وسيل المراجل ما اندرج فـي شعيبـه
وكثر الحسد والبغض بيـن الجماهيـر
واكثر هروج النـاس كـذبٍ وغيبـه
زور وربا في بطون بعض الهواميـر
والجوع بين الشعـب محـدٍ دري بـه
وغـزو ثقافـي وانفـتـاحٍ وتاثـيـر
وياطيب راس اللي تبعهم يـا طيبـه!!
الديـن حطـو لـه نظـام ومعاييـر
دستـور ودعنـا وذا نحتـفـي بــه
بأسم السياسه.. والمشاعر لـدا الغيـر
واللـي يقـول الحـق كـلٍ حريبـه!
والعلمنـه.. والملعـنـه.. للمعيثـيـر
وان كان يرضاهـا فربـي.. حسيبـه
ان قلت له .. وشلون ؟ قال الزمن غير!
ديـوث والديـوث جاهـل بصيـبـه
على رجـال الديـن بجيوشـه يغيـر
ماعاد لأهـل الديـن كلمـه وهيبـه!
في مجتمع عايش تحت ظـل تخديـر
حتى القريـب اليـوم ينسـى قريبـه
كـلٍ رهـن عمـره لجمـع الدنانيـر
ونسى الحقوق اللـي فرضهـا رقيبـه
والخافي اعظم وش بقـى بالمقاديـر؟
سـود الليالـي عقـب مـده تجيبـه!


الشاعر.فهاد بن محمد السهلي

يعطيك العاافيه عالانتقاء
تسسلم الاياادي
مشكور

حياك الله همس المشاعر
ويعافيك ومن قال يسلم يالغلا

آي والله انك جبتهآ
صح لسان شاعرها
ولاهنت يالغالي
يعطيك العافيه
حتى القريـب اليـوم ينسـى قريبـه
كـلٍ رهـن عمـره لجمـع الدنانيـر
ونسى الحقوق اللـي فرضهـا رقيبـه

صح لسسان شاعرها
ويعطيك ربي العوافي ي الغلا
لاعدمتك
دممت

صصصح لسسان شاعرها
::
ولاهنت يالغلا ع النقل الموفق
::

ودي لك

ولاخلينا

كلمآآآآآآآآآآآت رآئعه
يعطيك العآآآآآآآآفيه