طريقة عمل آيس كريم الشيكولاتة في البيت

لكل أصدقائنا اللي طلبوا يعرفوا طريقة عمل الآيس كريم في البيت، النهارده هنعمل لكم طريقة سهلة وبسيطة لعمل آيس كريم الشيكولاتة؛ علشان تستمتعوا بطعمه اللذيذ في الصيف...

آيس كريم الشيكولاتة

المقادير:

½ قالب شيكولاتة
2 ملعقة كبيرة كاكاو
3 ملعقة كبيرة نشا
صفار 5 بيضات
ملعقة كبيرة فانيليا
علبة كريمة لبّاني
5 كوب لبن
كوب سكر

الطريقة:

1- اخفقي صفار البيض مع السكر والنشا والفانيليا.
2- سخّني اللبن على النار، وبعد كده خدي مقدار كوب واحد منه، وضيفيه على خليط البيض اللي عملتيه، وقلّبيهم كويس مع بعض، وبعد كده صبّي الخليط ده بالتدريج على باقي كمية اللبن تدريجيا مع الاستمرار في التقليب علشان الخليط مايكلكعش، واستمرّي في التقليب لغاية ما الخليط يتخن معاكي.
3- بعد كده ارفعي الخليط من على النار، وقلّبيه جامد علشان تحصلي على خليط قوامه عامل زي الكسترد، وبعد كده ضيفي عليه قطع الشيكولاتة والكاكاو، وقلّبيهم مع بعض كويس لغاية ما الشيكولاتة تدوب، وبعد كده غطّي الخليط وسيبيه لغاية ما يبرد تماما.
4- اخفقي الكريمة اللبّاني بالمضرب، وبعد كده ضيفي عليها الخليط اللي عملتيه، وقلّبيهم مع بعض كويس، وحطّي الآيس كريم في الثلاجة لمدة ساعة، وبعد كده طلّعيه واخفقيه مرة تانية وشيليه في الفريزر لمدة ساعة تانية، وكرّري الحركة دي مرتين كمان، وبعد كده سيبيه في الفريزر يتجمّد لغاية تاني يوم، وبعد كده قدّميه ومعاه صوص توت أو شيكولاتة.. وبالهنا والشفا.

وآآآآآآو مررره حلووو يعطيك ألف عآفيه

يسلمؤؤؤؤ

السسلام عليكم
اشحالك عساك بخيير
منور القسسم اخاه
ماششاء الله عليك مجتهد
تسسلم على الوصفه
يعطيك العافيه
بانتظار يديدك
مشرفه القسم / عنيده بكيفي

　

**
,،
رووعه كرووعتكـ
يعطيكـ ربي ـآلف عآفيه
وـلآعدمنآ ـآلتميز وروعه ـآـلآختيــآر
كنت هُنــآ ||~

اسعدني تواجدكم..
لاحرمت منكم..