مسافره والصبر للمُعـدم متـاع
الخوي الحـزن ودروبـي حفـا
الدموع أمست لـ/خفّاقي يـراع
تكتب الآهـات وتشـق الخفـا
والوساع اللي تشوفونه وسـاع
ضاق فيني لين مانبضـي طفـا
فيض هم وغيض صبروإلتيـاع
وتمتمة موجوع يستجدي غفـا
علموني ليه من يصـدق يُبـاع
وليه صار الحُب والذنـب حلفـا
كل آحبابي تلاشـوا والصـراع
بي بقى يومي لهم غيبـوا كفـا
قدو بسكينهـم صـدر الشعـاع
مااتركوا به شبر قابـل للشفـا
القهـر لاطـاح قدامـك قنـاع
وجه من تهوى ومد إلك الجفـا
والوجع لاجيت لهفه وإنصيـاع
لـ/ حضن محبوبك وقفى واختفا
الوفا ابن الغبـا يعنـي ضيـاع
والضياع إنك تدور عـن وفـا
الزمن غابـه وياكثـر السبـاع
والوحوش اللي تضرّس بالخفـا
لاتحب بصدق أعشق في خـداع
فلسفتهم كـان تحلُـم بالصفـا
كون أبكم قدر قـدر المُستطـاع
عن حديث قلوب ماتعـرف دفـا
لان مابه شي يستاهـل سمـاع
البدايـه ورد والذكـرى سفـا
للمبدعه عليا الشمري