ليه ياقلبي لي أعلنت الرحيل
واختفيت ولي تباعدت وجفيت
ليه وانته دايم ليلك طويل
نور كل الكون يطفي لابديت
كان ودك في كلامك ياخليل
تمتحني في غلاتك ثم نسيت
خانك التعبيرواطريت البديل
دوك حالي يابعد حالي وجيت
ياقمر ليلي وياشمس الاصيل
يانظر عيني وسمعي ماهقيت
ماهقيت انك على جرحي تميل
من جميع الناس غيرك ماعطيت
وين بسماتك ولا منها مثيل
وين همساتك وعطرك لاحكيت
وين نظرات العيون اللي تشيل
همي اللي في عروقي يابخيت
ردي البسمه على شفاه العليل
الصويب اللي بحبك مستميت
ردي وهاتي من أوقاتك قليل
إذكريني وان جفيتي مابكيت
العرض العادي
