أنا ما أخطيت في حقك ,, لكن الكلام عتاب ..!!
 

انا ما اخطيت في حقك ولكن الكـلام عتـاب
أعاتـب والعتـب كلمـة تفسرهـا معانيهـا
اعاتب واحسب بهرجي الا مني حكيت حساب
كلمه يستحـي منهـا لسانـي يبتـدى فيهـا
واذا انت من العتب تزعل علينا وابتصك الباب
ترى ما نيب قاصدها ولانـي فيـك ناويهـا
ولا ودى على الفرقا وقلبي داخلـي مرتـاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيهـا
وقلبي لو عشق يخلص ولو طالت عليه رقاب
وتشهد له دروب الحب حاضرهـا وماضيهـا
عشقنا والهوى حسرة،مشينا ولاأمـل كـذاب
بدينـا نانبنـي منهـا قليـل مـن بلاويـهـا
عرفت الحب من عمري صغير بالغرام وشاب
وقلبي للحبيب اكبر مـن الدنيـا ومـا فيهـا
صحيح انى نويت ابعد ولكن الهـوى غـلاب
وهي رحلة بديت بها ولا ادري كيف بنهيهـا
تحريتك شروق الشمس وشفتك للشروق غياب
ولاا اضنك تبيع العشره اللـي كنـت شاريهـا
بقى لي بالهوى نظرة وتغريبة ودمـع اهـداب
وقصة بترك لسانـك علـى العـذال يرويهـا
واناجي باقي حروفي وبألف للفـراق كتـاب
قصايـد تملـي اوراقـي ارددهـا واغنيهـا
واذا مرتني الذكرى وجرحي بالحشا ما طـاب
بتبعدنـي وتدنيـنـي وببعـدهـا وابدنيـهـا
وانا عيب علي اشكي من الدنيا بدون اسبـاب
مدامي ما خذ منهـا يجينـي يـوم واعطيهـا

صح لسانك ولسان شاعرها

تسلم يمناك على النقل المميز

لاهنت .,

صصح لسساان شاعرها
ولاهنت يالغالي على النقل الموفق

ودي لك

ولاخلينا

قصيدة رائعه
تسلم الاياادي عالانتقاء
لاخلا ولا عدم

أسعدني واجدكــم

:21:


الله يعطيك العافية