|
دوريني في زوايا اليأس؟؟؟
ياحزينه ! دوريني في زوايا اليأس... في يأس المدينة ! دوريني في ملامح وجهك الداااااافي وقولي .. : قولي :وينه!؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام .والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا! في النوايا ! في الزوايا ! في الهدايا ! فـ الزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك.! كيف مرّ فـ يوم عينك لين مات إحساس عينك ! وانتي عينه !! وعينه انتي!! ياحزينه .. !؟ |
هجير االشوق..!!
مشششكوره خيتي..~ والله لايحرمنا منك ابد ابد ابدد |
اقتباس:
مشششكور خيوو الرحيل وربي مرورك أسسعدني |
| الساعة الآن 03:40 PM |
™ Powered by
D55R
D55R ™ | [ 2010-2025 ]
جميــع الحقـوق محفوظـة لـ شبـكة دروب المحبيـن ونحـذّر من نسب المواضيـع الحصريـه إلى غير أصحابها