دروب المُحبين | D55R ™ - على ويش رجال

إذا المراجل لبست شماغ وعقال*** قل للعذارى يلبسنّ العمائم

ما عاد يفرق زول حرمه ورجال *** دام الفعائل تشبه البعض دايم

ألمرجله ما هيب كلمه وتنقال *** وتروح ما راحت هبوب النسا يم

وإلا خشونة صوتٍ أو رفع الأثقال *** أو رزة صدور ٍ وفعل الزلايم

ولا هي بعد مفتاح موتر وجوال *** وإلا ر السان ٍ حديثه شتايم

المرجله شيمه عن القيل والقال *** *رفيع نفس ٍ حر بالجو حايم

المرجله عقلٍ وِزن وزنه جبال *** ودون العقل وش فرقنا والبهائم

يا مسندي لو مايل الوقت بي مال *** يا وِلد أبويه يا عظيم العزائم

يا معرّب الجدين امن العم والخال *** يا نخوة المفزوع وقت الهزايم

المرجلة يا خويه هي طوله البال *** هيّ العزم هيّ الصبر فالظلايم

فيها الكرم عزه و دله وفنجال *** فيها الكرامة عن ردا الطبع شايم

ومن لا يعرف الرب في طيّب الحال*** لابد وقت الضيق بالهمّ هايم

حتى صلاتك مع جماعات ورجال*** في خيرها يا خوي نعم الغنايم

و اليا انتصفت الليل يا طيب الفال*** يا عظمه اجرك وانت ساجد وقايم

ولامنّها للرب رِفعنّ الاعمال *** حسن الذكر لا قالو فلان صايم

واحذر تبيع النفس في درب الانذال*** وتتبع خوي إبليس راع النمايم

النفس خيلِ لك إذا كنت خيّال *** ومن لا قوى نفسه قوته الهزايم

ولا صرت ما تدري, على ويش رجال؟ *** والله خسارة فيك ذبح التمايم