|
غلطة عمر!
بسم الله الرحمن الرحيم
ساقت مشاوير الشقى واردف الليل وسريت ودروب السهـر سرمديـه ازريت اسوق الهم واحط واشيـل وتعبـت اكابـر والمواجـع نديـه الحيل مل من التعب مابقـى حيـل والجفـن مالـه بالسهـر مقدريـه يالله عسى درب السنـع بالمقابيـل والا الليال اللي مضـت جرهديـه حرٍ كفـخ واستأسرتـه المحابيـل وعقب السماء الرحبه هوى للوطيه حرٍ غدرفيـه الزمـن والمداخيـل مقـرود وكفـوف العطايـا رديـه غلطة عمر منها جنيـت البهاذيـل ذنوب غيـري حطهـا الله عليـه غلطة ودحدرها القدر بالمحاصيـل ورضيت بالمقسوم غصـبٍ عليـه تناقلتهـا شلـة القـال والقـيـل وحطوا عليها لين صـارت قضيـه وقامت تناهشني رخوم الرجاجيـل اهـل الملامـه والعلـوم الرديـه اللي تجيك اخبارهـم بالتفاصيـل ويحرفون الهرج عن سـوء نيـه بالله قل لي ياسود الوجـه ياليـل وضح النوايا كيف صارت خطيـه قل لي من اللي ضلل الحق تضليل ومن علم الوافي يخـون بخويـه ومن بروز الاوهام خدعه وتمثيـل ومن طلسم الواقع وخان الوصيـه من قال لي دربك مهود وتساهيـل ومن علم الضحكات تمشـي عليـه من كفن دموع الوفـاء بالمناديـل ومن هو جزاء الحسنه بمليون سيه اللي قتل حلم الضلـوع المناحيـل وقال انقتل فيك العـوض والبقيـه جاوب سؤالي ياسود الوجه ياليـل وضح النوايا كيف صارت خطيـه |
صح لسآن شآعرهآ
لآهنت يآلغآلي ع آلنقل يعطيك آلعآفيه .. |
الله يسلم ايديك على الابيات كلمات اعذوبه بانتقاؤك لها لاعدمناك |
صصصح لسسان شاعرها
:: ولاهنت يالغلا ع النقل الموفق :: ودي لك ولاخلينا |
كلمآآآآآآآآآآآت رآئعه يعطيك العآآآآآآآآفيه |
| الساعة الآن 07:14 PM |
™ Powered by
D55R
D55R ™ | [ 2010-2025 ]
جميــع الحقـوق محفوظـة لـ شبـكة دروب المحبيـن ونحـذّر من نسب المواضيـع الحصريـه إلى غير أصحابها