- لو الحزن دمع الله يٌحرم يباس الموق
على العين لين يغرق الجِفن مجهاشه
لو الوزن شمع .. اللي من كبودنا محروق
ينير الظــــلام بنجر الاضــــــلاع مهباشـــــــة
على سلم جدانة يمـــــوت وجبينة فوق
لوان الجدي يرقى على سهيل ما ناشه
وطيب لوان المسك ما رخصة عرض السوق
غدا من قواريره ومن طيــــب غراشـــــــه
طلال الرشيد اللي تجيه المنايا .. بوق
على صدق وعد الموت الاسباب غشاشة
نصاه الرصاص ضيوف قلطهم المعلوق
وعشى ضيوفه مهجته رابط جاشـــــه
يا ربع يهبا ريح الفشق وشكثر معشـــــوق
تقل عيب أحد من (( شمر )) يموت بفراشه
وهذا مهوب أيات احد يعجز الطاروق
يوفيه قدره لو هو السحر وادهاشه
أمير التواضع والحيا والادب والذوق
والاخلاق ملفي كل طيب ومطراشــه
سري للنوايف راس شمر مهو مسبوق
تقل وحدة الساري والآنام غباشـــــه
نعم ما يكبره (( اللقب )) كبر المنطوق
بالافعال وعـزوم الرجاجيــــل بطاشــــه
حثينا على وجه السحاب التراب حقوق
لوالله عفا منه اكرم الخلق ما حاشــــه
يارب اغفر لعبدك طلال الرشيد وسُوق
له من البرد ما يبهج الروح رشراشـــــه
بجاهك وعزك وبجلالك ياربي عــوق
عن النار جسم على الاستبرق قماشه
يارب عسى صحبته ابو بكر و الفاروق
بقدرتك باللي ترزق الطير باعشاشـــه
يارب وعسى اللي عندك من السعد مفهوق
له بكــــل عمر ماته ابـــــن آدم وعاشــــــه