محري بالخير يامزن نشا
.......ياحلو عقب الوسم رجع السحاب
هل رذراذك على روض الحشا
.......ربع بقلب دوام لك شباب
كل زهر فاح عطره واغتشى
....... بالرياض وبالنفود وبالهضاب
مانسيتك ياهوى قلبي حشا
....... حبك بروحي وبالخفاق ذاب
عادني شوق قديم وانتشى
....... في هواك مولع ماعنك غاب
لو غشاني بالموده ماغشى
....... أشتهي فيك الهوى لو هو عذاب
فيك من طبع الظبي ليمن مشى
....... ثم عاود والتفت ثم استراب
ياحلو فزة جفالك يارشا
....... يوم تسبح بالصحاري في سراب
الهوى معطيك مني ماتشا
....... في حياتي ياحياتي لاتهاب