صباح الضيق يا جرحي .. صباحي ممتلي أحزان
.. .. .. .. .. ..صباح الحزن لا هلّ السحاب وامطرت غيمة !
صباح يفزفز شعوري يغنّي .. ينكتب عنوان :
.. .. .. .. .. ..إذا قـالوا "مطر عذب" وتغنّت للـوفا ديمة !
صباح الجِرحْ .. وعيون الحبايب تسأل الحرمان
.. .. .. .. .. ..عن الضيق وتناهيد الفراق وحشرجة ضيمه !
يا صوت الريح يا حزن المطر يا رعشة الشريان
.. .. .. .. .. ..تجيْ كالطيف في بالي .. كأنّْ الصبح ترنيمة !
صباحْ يلملم الذكرى .. حكاويْ الودّ والتحنان
.. .. .. .. .. ..يفزّ الجـرح يا حـزني ويعلنها مـراسيمه !
فمان الله يا ريحة هلي .. يا الماضي اللي كان
.. .. .. .. .. ..فمان الآهـ .. مابعد المفارق .. مابقى قيمه!
ذبل لون الصباح وطحت من طولي وانا تعبان
.. .. .. .. .. ..وكن الصبح وجروحي بلا نخوه ولا شيمه !
هنا والفجر ياخذني خفـوقٍ منكـسر ذبلان
.. .. .. .. .. ..ألا يا ليه مجروحه .. ؟ عظيم الحبّ توهيمه !
صبــاح أوجاع ذبّاحه بـهزّه زعـزعت أركان
.. .. .. .. .. ..تزعزع كل أوجاعي.. يصيح الصدق تعظيمه !
تراتـيل الأذان اللي يزعـزع أربعـة جـدران
.. .. .. .. .. ..ويعلن توبة العاشق عن المـاضي وتوهيمه !
أنا بسـألك يا ربي .. أيا معطي .. أيا منّان
.. .. .. .. .. ..تدواي جرحي الظامي وترزقني الصبر شيمه !