[نظرهـ خجولهـ]

الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

[[[السلام عليكم ورحمة الله وبركاته ]]]

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..

قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ

( ابن الذيب (


وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..

راشد بن حسن .. كان يشتغل في شركة ارامكوا السعوديه .. وكان يملك سيارة الشركه

( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب (

..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه

( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..

وقال هذهـ القصيده .

قالهـا ابـن الذيـب مـن هاجـوس بالـهكـلــمــةٍ يـلــعــب بــهـــا والــبـــال زيــنـــي

قــالــهـــا يــــومــــه طــــرالــــه مــاطـــرالـــهمــن هـواجـيـسٍ تـشـيـب المرضعـيـنـي

حـالـفٍ مـاخــذ عـلــى الـطـرقـي ريـالــهوبـالــثــلاث مــحـــرم أنــــــه مـايـجـيـنــي

لالقيت اللـي علـى ( السكـه ) لحالـهيـلـتـفـت ويــقــول ويــــن المستـحـيـنـي

أوقــف الـمـوتـر حـيــا وأبـــي الجـمـالـهيـــوم ولـــد الــــلاش وجــهــه مايـلـيـنـي

الـطـمــع فــــي كــــروة الـرجـلــي رذالــــة.خــص وان جـابـه مـجـال الغانمـيـنـي

والــــردي فــــي حــالــةٍ مــاهــي بـحـالــهواعــويــنــه مــــــن كـــــــلام الـطـيـبـيـنــي

الــــردي لــــو بــــان مـايــذكــر عـمــالــهمـايـعــد الــــلاش مـقــصــور الـيـمـيـنـي

أركــبــه لـعــيــون مـــــن زيـــــنٍ دلالـــــهمـاتـحـاكــوا فــــــي قـــفـــاه الـرامـسـيـنــي

مـابـغـى غـيــري وانــــا مـابـغــى بــدالــه.قــاعــدٍ لــــي بـالـرجــا مـــــدة سـنـيـنــي

الصبـي وان طـاب طيـبـه مــن خـوالـهبــالــخــوال يـــســـال قـــبـــل الـوالـديــنــي

أشــــــرب الـفـنــجــال واكــــــب الـبـيــالــةتـــابـــعٍ ســلــمـــي ســـلــــوم الأولــيــنـــي

ولاقــعــدنـــا بـالــعــمــل بـــنــــا الــــرزالــــة.نــاخـــذ الـعـلـيــا طــريـــق الـفـايـزيـنــي

غـرنــي بـعــض الـرجــال بـكـثــر مــالــهمـادرى ان المـوت فـي حبـل الوتينـي

كيف ينفعني وابـا(..........) خالـهمـايـقـوم الـبـيـت دام الـســاس طـيـنــي

مــاش ويـــن الـلــي عـوايــده الجـمـالـةمـثـل ابــن ظـافـر حـمـد ليـتـه يجـيـنـي

الـثــنــا والــجـــود دايـــــم فـــــي خــيــالــهعــلــمــه ظـــافـــر ســـلــــوم الـطـيـبـيـنــي

جــــــــوّد الــعــلــيــا ولــزمّـــهـــا عـــيـــالـــهوادركـــوا مـــن عـلـمـتـه دنــيــا وديــنــي

واهـنـي مــن بــاع حـظـه واشـتـرى لــهوسار في درب النبي وأخزى اللعيني

مـــوقـــفـــه مــــاكـــــل رجـــــــــال يـــنـــالـــهمــــن بــغــى مـمـشــاه يـقـعــد مـرتـيـنـي

كــم ذبــح مــن حـايـلٍ مــن حــر مـالــهوعــادتــه لـطـمــة خــشـــوم العـايـلـيـنـي

و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..


مــــــــــــلاحظه:::الشاعر راشد بن الذيب هو والد الشاعر المعروف حاليأ

محمد ابن الذيب