احسن عزاك الله يجبـر مصابـك
الواجب نعزيك في موت الاخـلاق
يوم الغضب خلاك تفقـد صوابـك
وتكتب على بيض الورق شي مالاق
كان الزعل ومعاتب الشوق جابـك
ودعاك تكتب من ثقافات الاحمـاق
ماني مبادلك الغلـط فـي جوابـك
نفسي عليها طوق عن كـل نمـاق
ماجيت لك ياصاحبي عنـد بابـك
ولاعرفتـك بالتسكـع بـالاسـواق
يكرم جنابي وانت يكـرم جنابـك
على الشرف ماني كذوبٍ(ن) وبواق
ياكبر قدرك بالحضـور وغيابـك
قبل يشوه صورتـك خـط الاوراق
ياحيف ياسهمٍ(ن) بريتـه وصابـك
واسقطك عندي في مغارات وانفاق
شين الغلط لو كنت فاقد اعصابـك
وياشينها ياطحت من عين مشتـاق
0
0
0
شعــر / حمــد الاسمـــر العـــنزي