بسم الله الرحمن الرحيم
السلام عليكم ورحمة الله وبركاته
أبقتل احساسـي وابحيـا بـلا احسـاس
وابقتـل اللـي باقـي(ن ) مــن ودادي
ابحرث القلـب النـدي واحمـل الفـاس
ابغـرس القسـوة وابحـيـي عـنـادي
وابسمح لبعض " الأمـل " يقتـل اليـاس
حتى ولو زاد " الألـم " فـي فـؤادي !!
ابظلم القاسـي وابجـرح بعـض نـاس
باصحّـي النايـم وانـا فــي رقــادي
ابقلـب العالـم لاجــل ينـعـدل راس
باخلّـي المقفـي هـو اللـي ينـادي !!
وان كان انا قاسي , أجل كيف الانجاس ؟!
وان كنت انا ظالم , تـرى الظلـم عـادي
كل البشر صنفيـن .. قاسـي وحسـاس
وانـا لوحـدي صنـف غيـر العبـادي
أنـا ذهـب مانيـب مخلـوط بنـحـاس
كلي بيـاض ولـو ظهـر لـك سـوادي
أنا أحـس بجـرح غيـري مـن النـاس
وانا أحب .. لا صـرت نـاوي أعـادي
أنـا أقـوم وبـاقـي الخـلـق نـعّـاس
ما هو هوى .. مير البـلا فـي مـرادي
أنا لوحدي بس .. جنـس مـن الاجنـاس
أنــا بــوادي .. والبقـيـة بــوادي
ودي
:1 (87):