كل دربٍ تجهله رجلك تهابه
وكل دربٍ له ملذات ومهاب

ربي اللي فاتحٍ للكل بابه
مايصكه لو تسكر ألف باب

لو يصيب القلب وحشه أو iiكآبه
ذنبنا بين الجوانح كالحراب

والخطايا في ضمايرنا تشابه
في جوانحنا يبكينا العذاب

من يعزي كاسب الذنب بمصابه
لا غدى بالروح وأغرقه العباب

من يصلي له فروضه في غيابه
لاطواه الرمل وأحضان آلغياب

كان قاسي وكم سوّف في شبابه
عضّ أصابيعه على هاك الشباب

قالوا ان الشيطان وسوس له وجابه
وش يبي ابليس في بيتٍ خراب

الذنوب الفاس والإنسان غابه
والخطا تفاح وابليس الضباب

كم دفن انسان أحباب وقرابه
ودفن سؤتنا سبقنا به غراب

كم ركضنا برحمة الله من سحابه
والمطر رحمه من الله بالسحاب

وشلون أجل بالله لا نزّل عقابه
عن المطر نركض (أجل كيف العقاب)

من يسافر يحزم بيده زهابه
وش حزمنا من زهابٍ للحساب

يوم يلقى كل عبدٍ في كتابه
ماحزم له في سنينه من زهاب

من اشركتوا فيه مايخلق ذبابه
وان سلبته شي ياكبر العذاب

وان لحقها مالحقها وا عذابه
ضعف قدرتهم وياضعف آلذباب

..: أنتي أول أطيافي :..
وأنتي أول حُب حيا و مات فيني ..

/

الرح ـيل