كب الدلال وصك بابك عن الجار_+_+_وغير مسماتك وخل العشيرهـ

كب الدلال وصك بابك عن الجار
وغير مسماتك وخل العشيرهـ

صار الوطن غربه وصار السفر دار
لويـــــن مدري لكـــــــن لا أي ديره

من عاش وقته مايحسب للأشــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع ألامرار
ولا كـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدلال وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــلا وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين الأعمار
والمال طول فالأعمـــــار القصيره

هذا الصحيـــح ولو تجيبون الأعــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره

عوافي ع هالطرح الرائع

آِحْتِرَآمِيِِ
,’

سري الليل
يسلمو ع المرور

مشكووور اخووي عـ الموضوع الرائع
:::
وبنتظار جديدكـ

نبض
يسلمو ع المرور

صصصح لسسان شاعرها
لاهنت يالغالي ع النقل الموفق
::
ودي لك

ولاخلينا

,يـــــــــــــعطيك الـف عــآـآفيه يـآلغـلآآـآء’’
،،آشكــــرك ,,
,آحتـــــــــــرـآآآمي....

يعطيك الف عاااااااافيه

ع الطرح الرااائع

سسلّمتٍ كفوفك لٍـ‘ طيب الجًــهدٍد وً مُــمَّيَّز آلعًــطًـآءٍ
لا حرمنا آلله جميلٍ بًصًـمًـآأتٍكٍ وً ‘ رًوآئع مٌــجٍهُوُدًآتٍك‘
احٍترأميٍ لـكً