تحيه معطره وبعد..
قالوا اني سليـت وقلـت ياهملالي
واحداً كنه أأنـا ماتجـي لـه بـوده
ياحليل القلـوب الساليـات الخوالـي
نومهـا بالجيـوب وهمهـا بالمخـده
اشهد اني قعدت مـع الليالـي لحالـي
ارخي الحبل مع سود الليالـي وشـده
ينصفق خاطري من سبة اللي ببالـي
صفـق نـوً تعـداه الهبـوب وتلـده
ذعذعي من جنوب وذعذعي من شمالي
والمولع يموت مـن الهـوا والمـوده
النسانيس تشرح حال غالـي لغالـي
والمراقيب تغني عن وجيـهً مصـده
كيف يشري خفوقي علتي من حلالـي
كل يومً بسوق الشـوق روحـه ورده
غاليً من غلاه اسرفت مالي وحالـي
ماحصل منه لين ولا حصل منه شده
فيه ملح وجمال وفيه غنـج ودلالـي
الوكاد ان فيـه مـن الحـلا مايسـده
نازح البيد دونـه ميـر كنـه قبالـي
اتصور بهاه وطـول عنقـه وخـده
العرض الشجري