يابليس انا وياك ربع ورفاقه

يابليس انا وياك ربع ورفاقه
ومن بينا ميثاق وعهود وصكوك

انت توردني دروب الحماقة
وأنا لاضيعت قمت العن أبوك

ياذا العور وان كان مافيك طاقة
مالك عذر وانت على المتن معكوك

عندي على درب المهالك لياقة
على النقا والكسب يابليس مشروك

ولك الفخر يابو البلا والشقاقة
اني انا شاعر ملك كان مادروك

شاعر أبو متعب صليف الطراقه
على الزعيم من ورا الناس محروك

يابليس تدري وش حلات الصداقه
اني ليا ضيعتها جيت للبوك

وغديت بين المحفظة والبطاقة
وتشكلت فرتك ميات وشيوك

ولغيت عندي ماتسمى العلاقة
ماتنبنى طبعا على عطني ودوك

كثرت هروج مدورين الخناقة
يبون فتحة باب ماهو بمصكوك

واللي قهرني صدق ان اللواقه
مهوي وفارغ وفاشل وصعلوك

اسمع هدير وكل ماشفت ناقة
ومتن الجرب مبعد ومهمل ومتروك

والله مالد الا على اربع عماقه
ونا وريث ملوك واخاطب ملوك

عبدالله وسلطان واكبر شقاقه
نايف وزير الداخلية وانا اخوك

والرابع محمد وسيعن نطاقه
ولي عهد الدار مبرك ومبروك

ماهو بغصب إلا بطيب ولباقه
والظن فيني وثق ماهو بمشكوك

شاعر طغى ماني بشاعر أناقة
والشعر اعلكه شبك ماعلكه علوك

أكثر ماحبه في الحياة الطفاقة
واكره ماشوف الحر لا صار مملوك

ياللي تعكز بي بعد جتك إعاقة
سلام وانت تدري بقافية أوك

يعني أبرفعها واعرفك طباقه
ماتدري ان البيت واضح ومحبوك

أقدر أوطيها عليك بسياقه
لكني اكبر منك مير انت غروك

المير خذلك وردتن وسط باقة
ودوج بسوق الفيصلية وهردوك

وخلك قريب من صالون الحلاقة
وليا شربت الببس لاتلحقه كوك

حنا هل الوجهة وقوم الرواقه
هل الدلال اللي بها الهيل مدكوك

ويلان من ويلان ساقه بساقه
في نجد وليا اشملت عرعر وتبوك

ومافيه حدن حد وايل وعاقه
روسن مع العربان ماحنا بوروك

الورع منا لالعب بالتفاقه
يرمي لحم مايرمي عصي وجيوك

خبل عنزة ما اقفى العدو في نياقه
افتكها ولا انت خبلن و مفكوك

إلياكلنا مانحب الذواقه
نشبع ولا نترك للا نذال متروك

وسيوفن ارهى من سلاحك بطاقة
واشبار اطول من خطاويك ببلوك

ماحقتها ولاحب الحواقه
ربعك لهم في المجد دربن ومحيوك

سلطانهم لاحل ذر الرواقه
شالوا ثقيل الحمل مير انت خلوك

الشعر حنا حاسبين احتراقه
عندك يوم اللي بجمبك تحدوك

الشعر انا ماجيت احسب أوراقه
جاني على لوكي وجيته على لوك

أكبر فخر للشعر اني نطاقه
وأكبر فشل للشعر من يوم رزوك

يعطيك العافيه على الايــــرآد ,,

تقديري,,

صح لسسسان شاعرها

ولاهنت يالغالي ع النقل الموفق


::


ودي لك

ولاخلينا

تسلم ايديك على الابيااات المنقوله
مننحرم طرحك دووم
لاعدمناك

يعجبني اسلوب ياسر التويجري
صح لسانه

جمر

تسلم

يعطيك العافيه على الكلمات الرائعه
والأختيار الجميل الذي يدل علىعذوبة ذائقتك
وروعة إنتقائك المتميز
تسلم يدينك مع كل التقدير لرقيطرحك
ارق التحايالك

صح لسانك وآعتلى شآنك
قصيده جزله وجميله
ونقل منك موفق وجميل
دمت

عوافي ع هالطرح الرائع
آِحْتِرَآمِيِِ
,