أدمنت حبه لين عديت الإدمان -----والأرض ضاقت لو وسيع ن رحبها

• قال الذي حده على بدع الألحان ---- واشرف على بنات فكري وندبها
  
  يذب صوته بين سجات وإذعان ----- على طواريق المعاني سهبها
  
  يتل قلبه بالمعاليق شريان------ تلت يمين تلها في كربها
  
  في ساعة فيها غفت كل الأذهان----- ماحس فيها كود منهو حسبها
  
  شوارد المعنى ثقيلات الأوزان ------يشدها هاجوس فكرن سكبها
  
  شاب الورق من مات قلبه ولا لان----- ارهى على الجزلات حتى كتبها
  
  يسأ ولته قل مافيه سلوان----- بأسباب من قل السبب في سببها
  
  اللي تسبب لي بهجر هالا عيان -----جعله وقود النار وأول حطبها
  
  ترف الصبا عذب اللما مطرق اللبان---- مياس قد وكم قلوب عطبها
  
  سبحان من صور جماله وسبحان ----أنا اشهد أن ألي عطاها وهبها
  
  لاجيت أقارنها مع البيض شتان -----شتان مابين النحاس وذهبها
  
  واليا وقف رمح على راس مابان------ واليا مشى درج القطا ماعجبها
  
  أرواه ربه والبهى فيه ريان----- قام يتغطرس بالعيون وهدبها
  
  فريد جنسه مانخلق مثله إنسان----- كبر حظ ألي ولاه ونسبها
  
  تبقى لها ذكرى على مر الأزمان----- بنت الرجال ألي رفيع نسبها
  
  أدمنت حبه لين عديت الإدمان -----والأرض ضاقت لو وسيع ن رحبها
  
  قم يانديمي بالملا زيك والشأن----- حملك ورق وآنا عليه تعبها
  
  اركب على نتر مواريث الألمان----- بالكاش مشتراها مارجي طلبها
  
  من وارد الناغي ماهي بحوش--- عمان ياكم عيون ليا تحلت رهبها
  
  أن قلت صنعها ماهو ب انس من جان----- فوق المواتر صاغها ثم نصبها
  
  كنها عذرى تماري بالأ وجان----- بالمعلبة ماحولها من هزمها
  
  من فوق فـــل اكشن ميلان----- الرابح ألي جابها من نجبها
  
  تنزع من الباطن وتسري مسيان----- وتطوي الليل مسافه للي ركبها
  
  بي أم سبعميه وخمسين حصان---- بين المواتر ماذكر من غلبها
  
  من شيشة امن شرور وآلا عبيلان---- فول وقود النار وأوزن حدبها
  
  ثم تلها تلة شفوق وحدمان ----بالي هوا باله تنحى جنبها
  
  كنها دعجن هوت بين عقبان---- شيهانة من جا عشها مارعبها
  
  اسرح مسا ريح القطا يم نجران ----ديرة رجالاً فعلها ماحجبها
  
  واضح محله مايبي وصف عنوان----- تلفي على ألي ماتغره رتبها
  
  قله ترا ذا الخط من يم علوان---- وانتم تحلون البلش من نشبها
  
  لا ياحمد ياصاحبي ياكحيلان -----انته عوض نفس تزايد غضبها
  
  انته شبيه الذيب والذيب سرحان---- عدى على روس الطوال ورقبها
  
  تبذل يمينك ماتغاليت الأثمان----- يمنى على فعل المراجل طربها
  
  يمناك عدت بك ولك كم برهان---- ماجور ياعود جذبك وجذبها
  
  روسان ياجاهل عن أفعال روسان---- حموله ماغاب عنها شببها
  
  اشكي عليك الحال من كاين كان----- مسروجةً واشيب قلبً رغبها
  
  ماأنساه لو تنسى بني يام شيبان---- ولو ينقل الباطن وعوجاه بابها
  
  ولو ينتقل لدبي سنجار وأبان---- وبرج العرب والعين عندي عزبها
  
  ولو تنكر المطران عرفا وعوجان ----والصلب والصمان وأقصى هضبها
  
  والشمري يزهق بحايل وبرزان ----ويترك معا ميله عقب ماخضبها
  
  ولو يطردون الضيف طلقين الايمان ----والضيف مايلقى القاره في عربها
  
  ولو تنتقل وآيل ورى ضلع شمران---- ولو تنزل بعرعر ناس ماهي بشعبها
  
  ولو يقطنون السيف صبيان قحطان---- وتترك تتلاها وتنزع ودبها
  
  ولو يتركون أهل الاحساء كل بستان -----ويجنبون نخيلها مع رطبها
  
  وأهل البحر تنزح من السيف بدوان----- وتارد على لينه وتملى قربها
  
  مانساه دام الروح في وسط الأبدان---- دام روحي ربها ماسلبها
  
  خيلها ماخايلوا غــر ألامزان---- وأون ونات تكسر عتبها
  
  هذا ولك مني تحية وعرفان---- يامـن فنـاجيل المـراجل شـربهـا
  
  
  
  قصيدة سلطان بن عادي

صصصح لسسسان شاعرها
ولاهنت يالغالي على النقل الموفق
ودي لك
ولاخلينا

صح السان شااعرهااا
وصح نقلك لهااااااابياات راقيه
لاعدمناك

صح لسسان شاعرها
وسسلمت يمينك ع النققل
لاخلا ولاعدم
،

شكرآ لك سيدي ع آلآبيآت
بـ آنتظآر جديدك القآدم