هبي بريحـه ياهبـوب الشمالـي

[الرحيـل]

ياونتاه اللي بـرت جسـم حالـي
.................بري الدبا نبنوب غصن تغشـلاه

على عشيـر بالمـوده صفالـي
.................وأزريت أنوش حماه وأنا اتعـداه

غرو جبينه مثـل خـط الهلالـي
....................سبحان رب صوره ليـن سـواه

وحيـاة رب كملـه بالجمـالـي
...............من مفرق الهامه إلى حـد ماطـاه

إنه من أول وأمس واليوم غالـي
................وأتلى زمانه بالغلا مثـل مبـداه

مالـه حلـي إلا مـودة عيالـي
....................أصغر عيالي بالغلاء كنـه إيـاه

لابطيت ماشفته وهـو ماعنالـي
.............عفت المكان اللي يغيضه ويجفـاه

لو دلهوني عنـه مانيـب سالـي
........أشفق على شوفه وأهوجس بطرياه

شوفه دواي وقل شوفـه زوالـي
....................حكيـم طـب جـامـع داه ودواه

حقه علي إلـى تزخـرف قبالـي
.....................أبعـد مـزاره بالهـوى واتمنـاه

وحقي عليه إلى أعترض له مجالي
..............يصفح ويلقاني على الطول وألقاه

مابه من العذروب عنق الغزالـي
..................إلا الزمان اللـي حدانـي وعـدّاه

ريقه حلا مـن درّ عفـر متالـي
.................لاروحن من مدفق سـال مجـراه

هبي بريحـه ياهبـوب الشمالـي
...........كود الجنوب ومطلع الشمس تنصاه

عبث صبيت لعشرته من صبالـي
...............سجلي بنجلـه والمـوده مجـازاه

يامـا ويامـا فرقتنـا الليـالـي
................نجع قديـم وفـرق البعـد لامـاه

أقفت مراحيله وأنا أقفت رحالـي
...............خليت مداهيله و عميـت ركايـاه

وخان الزمان بعشرتـه والتوالـي
..............ورّثت من يصفق شمالـه بيمنـاه

وعضيت بسرة شاهدي من هبالي
..............وونيت ونة من نقـل داه بـرداه

أسهر إلى نـام المعافـى لحالـي
.....,,,....والصبح أجدد ذكر حمّام واسمـاه

هني دحـش دب الأيـام سالـي
.....,,,,,....ماولعه طرد العماهيـج وأغـراه

ولا صلاه من التصاريف صالي
.......وذاق الفراق وتاه مثلـي بمسـراه

ياطول ماطاوع نسيم الهوى لـي
........من قبل يبدي لي من الوقت مجفاه

وإعتضت من عقب الجديد السمالي
..............ولا ينفع الفايت ولو قيل ماحـلاه

ليتي قريـب لـه وبيتـه موالـي
..............والعلم من بينـي وبينـه مناجـاه

إن كان له بمواجهي مثـل مالـي
...............وقلبي معه يبـراه والهـم يبـراه

ولا تراني عنـه طـاون حبالـي
..............يلقى وأنا ألقى واحـد كنـه إيـاه

مانيب من يتبع خفيـف الخيالـي
..................إلى تحد بارقـه عفـت مرعـاه

هذا وصلوا عـد رمـل السهالـي
...............على نبـي شيـع الديـن وأحيـاه

وآله وصحبـه كلهـم بالكمالـي
................واللي تبع سنـة نبيـه ومجـراه

[همس المشاعر]

يعطيك العافيه عالابياات الراائعه
تسسلم يمينك
لاهنت

[صاحبة الرمش الحزين]

عزيزي الرحيل


اشكرك على هذه الهمسات الرائعه

التي انارت صفحات المنتدى


كلمات راقيه من قلم راقي

سلمت اناملك الرائعه

على هذا النقل الرائع كروعتك

لكي ودي

[الرحيـل]

همس المشششاعر
:::

منوره يالغلا

[صعب تكراري]

صــــــــــح لســـــآآآآن شــــــآآآآعرهـــآآآ
مشكور يـــــآآآلغــآلي
مــآقصرت
آحترـآمي

[سرى الليل]

عوافي ع هالطرح الرائع
آِحْتِرَآمِيِِ
,’

[الرحيـل]

احساس عااشقه
::
منوره يالغلا

ودي لك

[»رξـشْة خـفـوْق♥]

./،،

إنْتِقَآءُ يَعْبَقُ بِعُطَورِِ آلْجَمَالِْ
لك كٌلُ السَعَادَه
..... وَعُنْقُودُ أَمْتنِانْ ~

تُجَآوِرٌ رًُوحَك..
__________________

[مستريح البال]

صح لسانك يالذيب
وماقصرت

باقة ورد لروحك

[الرحيـل]

لاخليت منكم يارب..}