ساس الفخر ..مني..وفيني..وليا

[راااسم غلاك]

مصافحة اولى..

لاجيت أبكتب ياصقر عنكم بيت
حارت دموع الشعر وأبكت إيديه
وضاعت حروفي بين دمع وتناهيت
وحزّنت عليّ حروفها الأبجديه
ماهمني دق العلوم الفتافيت
ولا أحسب الناقصه والرديه
أحشم جناب لكلمتي وين ماجيت
وأصد عن قول الردى والأذيه
المايله لاشفتها ( ياأمك ) أغضيت
أعافها.. لوكان بالحق.. ليا
من خوف لاينقال يمكن وياليت
وتضحك بها أهل العقول الرديه
تطيح غربان الحسد لا تعليت
ويموت راس السم في كل حيه
بالمختصر لأنا وأنا أمك ( هل البويت )
ساس الفخر مني وفيني وليا
خوالك اللي بالوفاء ذاع له صيت
بين القبايل حازوا المقدريه
لو تنحصي أمجادهم ( ياأمك أحصيت )
من كثرها ياصقر تصعب عليه
عزي وعزك ياصقر كان عديت
يرقى طويلات الحزوم العليه
لأجل كذا قلت أختصرها بكم بيت
وأعز نفسي بين كل السميه
جمعتها باقه وفاء وبإسمه أهديت
اللي من حروفه نسجت الهديه
على النقاء والعز خاوى وخاويت
لو عادلوه.. الروح ترخص عليه
ما لوم نفسي فيه يوم اني أغليت
غالي.. ولامثله.. ولافيه زيه