( النسيان)
للشاعر الامير : بدر بن عبدالمحسن
تذكر النسيان لاعاد تنساه
ياقلب وانسي القلب لعل يشفا
يدرى الحبيب انه حبيب وابجفاه
ماهو خراب الكون لاقفيت واقفا
كان الخطا منى فقلبي خطاياه
هو علمه وشلون يهجر ويجفا
تعب المسافر وابعد الموج مرساه
صار المدى له يم والشمس مرفا
ومل الهوى نوحه وبوحه ونجواه
ماعاد لى صبر على الجرح تكفا
الى متى صدري بيحترق حناياه
كنك على صالي عظامي بتدفا
والى متى جفنى بيسقيك من ماه
كن الليالي لاصفا الدمع تصفا
تذكر النسيان ياقلب وانساه
وانسي الجروح اللي مع الوقت تشفا
Ĝŕёąţ ĥǒρē 
النسيـان ...
العرض الشجري