الحزن بين علينا لو تصنعنا

[صعب تكراري]

يا شوق عيت ظروف الوقت تجمعنا=
الوقت يمشي وحنا ما تلاقينا

سافرت يا شوق ما حتى توادعنا =
وضروف الايام حالت دون امانينا

ما ينفع الدمع لو سالت مدامعنا =
ولا ينفع الحزن لو تكثر مراثينا

مال الزمن فوقنا واخلف روابعنا =
وتكللت بالفشل كامل مساعينا

الحزن بين علينا لو تصنعنا =
سعاددة (ن) مالها بقلوبنا مينا

ماملت انيابنا من عظ اصابعنا =
لو مل درب الشقا من مشي رجلينا

وجنوبنا ما تهنت في مضاجعنا=
والحاضر المر كدر حلو ماضينا

ولو قسوت الوقت ترهقنا و توجعنا =
نمشي على العز ما نخلف مبادينا

على الشرف والمحبه مالها معنا =
بلا شرف والشموخ اسمى معانينا

وحب الشرف في سما العشاق يرفعنا =
حب يخلد حكايتنا واسامينا