ممكن تزيّني الشوربة بعيدان الريحان الخضراء
النهارده هنقدّم لك طريقة عمل شوربة السجق؛ علشان تجدّدي في أطباق الشوربة اللي بتقدّميها لعيلتك، وخاصة لو كانوا من عشاق السجق، جرّبيها معانا وقولي لنا رأيك فيها..
شوربة السجق على الطريقة الإيطالية

المقادير:

* 1?4 كيلو سجق مقطّع قطع صغيرة
* 1?2 ملعقة صغيرة ريحان مجفف مطحون
* 2 ملعقة كبيرة معجون الطماطم
* 5 كوب شوربة لحمة أو ميه
* بصلة مقطّعة قطع صغيرة
* 2 كوب بروكلي مقطّع
* ملح وفلفل أسود
* ملعقة كبيرة زبدة
* فص ثوم مفروم
* 1?4 كيلو مكرونة
* 4 كوب ميه

الطريقة:

1- شوّحي السجق مع البصل والثوم والزبدة في حلّة على نار متوسطة؛ لغاية ما تحسّي إن السجق بدأ يدخل في السوى.
2- بعد كده ضيفي عليه الشوربة، وسيبيهم مع بعض على النار لغاية ما الشوربة تبدأ تغلي.
3- بعد كده ضيفي عليهم المكرونة، وبعد كده ضيفي البروكلي ومعجون الطماطم والملح والفلفل والريحان، وسيبي الشوربة على النار لمدة 15 دقيقة؛ لغاية ما كل المكونات تستوي مع الاستمرار في التقليب، وبعد كده اغرفي الشوربة في أطباق التقديم.. وبالهنا والشفا.