بسم الله الرحمن الرحيم
أترككم مع هذا الابيات للشاعر محمد بن فطيس المري 
ماهـو بكفـو الوقـت حبـك يمحـيّـه
,,,,,,,,,,,,,,,,,,,,,,,,,,,,,,,ياللي تخـاف صـروف الايـام تمحـاه
ارتـاح ..مـادام المـواصـل يقـوّيـه
,,,,,,,,,,,,,,,,,,,,,,,,,,,,,,,انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
,,,,,,,,,,,,,,,,,,,,,,,,,,,,,,,ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
,,,,,,,,,,,,,,,,,,,,,,,,,,,,,,,ورياح عذلني عنك مـا تمسـح خطـاه
واللي يعـذل القلـب عـن درب غاليـه
,,,,,,,,,,,,,,,,,,,,,,,,,,,,,,,الله بـمـا يـبـلا الموالـيـف يـبـلاه
اخفيـه يابالفـيـت والـحـال يبـديـه
,,,,,,,,,,,,,,,,,,,,,,,,,,,,,,,ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه
,,,,,,,,,,,,,,,,,,,,,,,,,,,,,,,مـن كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه
,,,,,,,,,,,,,,,,,,,,,,,,,,,,,,,كانـك مكذبنـي ؟؟ بعيـنـك تـحـلاه
شـرط ٍ تشوفـك فيـه منـت بحواليـه
,,,,,,,,,,,,,,,,,,,,,,,,,,,,,,,ويمكن تشـوف ديـار واماكـن ارعـاه
وبتشوف بـه تمثـال والوقـت هاريـه
,,,,,,,,,,,,,,,,,,,,,,,,,,,,,,,وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه
,,,,,,,,,,,,,,,,,,,,,,,,,,,,,,,راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه
,,,,,,,,,,,,,,,,,,,,,,,,,,,,,,,وبتشـوف باقـي بيـت راعيـه خـلاه
لا تنزعـج هــذا خفـوقـي وباقـيـه
,,,,,,,,,,,,,,,,,,,,,,,,,,,,,,,ولا تضايـق مـن تـصـدع زوايــاه
قـد زلزلـه فرقـا وهـزت عـراويـه
,,,,,,,,,,,,,,,,,,,,,,,,,,,,,,,والله ستـر والحـظ عـانـه وعـافـاه
وكانه صلح لك واعجبـك زيـد تبنيـه؟
,,,,,,,,,,,,,,,,,,,,,,,,,,,,,,,ابـنـه وجـهـز للمقابـيـل مـبـنـاه
ابغيـك بـس مـن المفـارق تـداريـه
,,,,,,,,,,,,,,,,,,,,,,,,,,,,,,,وازهل من يـداري شعـورك ويـدراه
وحلـل وحـرم فيـه يابـرك بـلاويـه
,,,,,,,,,,,,,,,,,,,,,,,,,,,,,,,وحلّه وراع رضاي ورضـاك ورضـاه
جعلك بعد بعض الوجيه ...امحق وجيه
,,,,,,,,,,,,,,,,,,,,,,,,,,,,,,,نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه
,,,,,,,,,,,,,,,,,,,,,,,,,,,,,,,نـوع ٍ علـى تفريـق الاثنيـن مسعـاه
تلـقـاه دوم وكــل يــوم ٍ تلاقـيـه
,,,,,,,,,,,,,,,,,,,,,,,,,,,,,,,والـى بغيتـه صـدق مـا عـاد تلقـاه
ولا انت ردك كل مـا ادعيـك..لبيـه
,,,,,,,,,,,,,,,,,,,,,,,,,,,,,,,انشهـد ان منتـوب فـي عينـي اشبـاه
منت بمع العالم ولا تقـول لـي.. ليـه
,,,,,,,,,,,,,,,,,,,,,,,,,,,,,,,انت ادرى منـي وش جوابـي وفحـواه
كذيـه... ومـن الله يـازيـن والـيـه
,,,,,,,,,,,,,,,,,,,,,,,,,,,,,,,واغلا طـروش القلـب ودواه مـن داه
الحلـم ياتيـنـي بـزولـك واراعـيـه
,,,,,,,,,,,,,,,,,,,,,,,,,,,,,,,وفـي كـل حلـم اقـوم قبـل اتحفـاه
اعشق سميـك فـي البزاريـن وادعيـه
,,,,,,,,,,,,,,,,,,,,,,,,,,,,,,,واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
,,,,,,,,,,,,,,,,,,,,,,,,,,,,,,,واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجـيـه
,,,,,,,,,,,,,,,,,,,,,,,,,,,,,,,وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
,,,,,,,,,,,,,,,,,,,,,,,,,,,,,,,تبغي تلـف ويستحـي العقـل والجـاه
وصلك يخيـط الصـدر والبعـد يفريـه
,,,,,,,,,,,,,,,,,,,,,,,,,,,,,,,ويابـري حالـي كـان صديـت بريـاه
ويلي علـى ادري حبنـا ويـش تاليـه
,,,,,,,,,,,,,,,,,,,,,,,,,,,,,,,وويلي على ادري وش ورى الغيب ويلاه
عشـان اشـوف اذا محبتـك ..ترفيـه
,,,,,,,,,,,,,,,,,,,,,,,,,,,,,,,والله لا اقفي عنـك....... استغفـر الله!!
أعتذر للإطالة,,,,, 
العرض العادي
