طالت دروبي والزمن طال مسراه.... - دروب المُحبين

أمير بنظرتي..! · منذ /02-27-2011

..

طالت دروبي والزمن طال مسراه
والوقت موحش والمسافه طويله

اشكي وقلبي يشتكي حرّ ما جاه
ولا لي على شوف الولايف وسيله

تكفون يا اهل الرّاي من فيكم انخاه
من فيكم وان شكيت اشتكي له

روحي طواها الياس والبعد مقواه
والحال من فرقى الحبايب نحيله

الا ياوجودي وجد من ضاعت ارياه
مالي جدا وحمول قلبي ثقيله

امشي دروب الخوف وكل شوكن اطاه
امرن كتب الله ولا لي فيه يد له

.
.

كلمات / الشاعر خالد البذال