زوج يقصد بزوجته بمناسبة حافز؛

[سرى الليل]

تكفين ي بنت الاجاويد تكفين
نبي سلف والا نبيها معونه
اما عطينا الألف ولا اللألفين
مادام حافز اليوم يوزعونه
وانا ترى استاهل ولاني معك شين
ومعروفي الاول ترى تذكرونه
اما شرينا به شياه وبعارين
والا به المديون خلص ديونه
ردي علي بالخبر وش تقولين
عسى ابو عيالك ماتخيب ظنونه ..

[نظرهـ خجولهـ]

ههههه والله حافز لعب فيكم
ماينلام ابوالعيااال صح السااانه
عواافي سرى على الابيااات
....

[رمَـيم آلمآضي .!]

][ سًرىَ آلليلَ ][
صح لسآنَ شآعرهآ وُتسلم يمينَ نآقلهآَ
قصيدهَ رآآقت لي
آللهَ يعطيكَ آلعآفيه على هذا آلـآنتقاء آلجميل ’
آنتظر جديدكَ بشوُقٌ
وُوُوُديَ

[حنين الأيام]

ما كتب قصيده الا يوم جاء حافز ..؟؟؟ هههههههآآي
تسلم اناملك ع هـً الإنتقاء العذب
بإنتظار المزيد والمزيد
ودي لـٍ روحك

[همس المشاعر]

تكفى يازوجي زيدني فوق الالفين
اما سلف والا اعتبرها معونه
ابي جلكسي والسعر فوق الالفين
واخبرك دايم نظرتك لي حنونه
ودي مع ذا الناس نستخدم الزين
واقول من زوجي وتسلم عيونه
زوجي حبيبي ومنزله داخل العين
وادعي عسى الله ما يخيب ظنونه

<< وهذا رد زوجته :d
,’
تسلم الايـــادي سرى الليل
طرح ممتع

[سرى الليل]

نظره خجوله
منوره لبى قلبكككك