قفلت في وجـه الـهـوى كل الابواب
سـكرت دربه لايجي صوب داري
عظيت راس ابهام يمناي بالناب
وحرمت انا للحب ماجيب طاري
طفيت نار الشوق من دمع الاهداب
من وبل دمـع الموق طفيت ناري
اسمي مسحته من سجلات الاحبااب
هذ ا اختيار القلب فوق اختياري
من رفقتك ياصاحبي خاطري طاب
قدمت انا للحب جل اعتذاري
لصدق بـاب وللـغـدر عـدة ابواب
مايجتمع باالحب بايع وشاري
مـثل الـذي ودى ودى ولا جاب
ولا جنا غير الندم والحساري
لا تـصدق الغدار لـو قال لـك تاب
راعي الغدرهرجه من الصدق عاري
من جر راس الحبل لايامن الداب
ومن لايحسب احساب ذاق العزاري
من لايحط العشرتك قدروحساب
قلبه مهو يمك ولاعنك داري
امسيت انا من سيرة الحب مرتاب
عفت الهوى و اعلنت فيه انكساري
ماعاد باقي للغلا شوق واعجاب
عن الهوى غيرت وجهة مساري
احرقت ليلة امس اخر لك اعتاب
يمكن كذا رديت بعض اعتباري
طاغي الشوق
نار الشوق
العرض الشجري
