| ||||||||
| :: المُغامرات و المـرح :: زاويّه للِتمرّد والخروُج عن ِالمألوُف .. نضحك رُغمَ كُلِ شيءّ.. |
 |
|
|
أدوات الموضوع | إبحث في الموضوع | انواع عرض الموضوع |
|
#1
02-26-2011
|
|||||||||||||
|
|||||||||||||
ساااااالفه لاتفوتكم
كيفكم يالربع وش اخباركم عندي لكم سالفه صارت لي انا ومجيديف الدب
في سنة من السنين يوم الشعير يوزعونه ببلاش وعلى طلعة الدستن القددديمه (2008) كنت جالس عند باب بيتنا في عز القايله طفشاااااااااااااان مره جالس انتظر الباص حق البنات علشان افلقهم بالبيض( مقهور منهم ليش ما يعطوني وجه) والله ويمرني مجيديف الضب البحري حقي ويقول يووووووووووووه تعال ياعزوف تعال شوف صورتي وانا صغير  وانا اناظر فيه واقول يوووه ياحليلك والله انك مدلع صدق اهلك يصورونك:(:(:( وانا ابكي عنده منقهر قال وش ابشرك فيه والله لقيت لي ضربه فلووووووووووووس كثيروالله خربتها وبعت التشليح حقي ، حق السياكل قلت كم هي قال ثلاثه الاف ريال وقال ياعويزف فيك شدة قلت لا ضمة ويصقعني بكف يمشي 200 :mad::mad::mad: قال انا اتكلم معك من جد ؟؟!!!!! قالوش رايك نروح برى قلت الله يرحم والديك فكني من البركه كل يوم وحنا نسبح فيها.. قال لا ياخبل حنا بنسافر خارج المملكه وانا اقول يؤيؤيؤيؤيؤيؤيؤ مره وحده تبينا نروح للشرقيه ؟؟؟؟؟؟؟؟:confused::confused: ويقشعني بكف محترم يقول ياخي انت الى متى وانت دلخ اقول برى المملكه وتقول لي الشرقيه.|4| اسمع ياعويزف حنا بنخربها ونروح لماليزا مرة وحده ياخي نبي نشوف الناس قلت يالله قال بس الدراهم ما تكفي لازم تكون خمس الالاف قلت انا عندي فكره باروح اسرق غنم الشايب وابيعها قال ايه والله انك صادق قال تصدق ياعويزف ان عندهم بحر وغنم واعسكريم وعندهم مدرسه حتى تصدق يدرسون مثلنا يدرسون مطالعه مثلنا؟!!!!!!!!! وعندهم سياكل وعندهم شياب مثل شيابنا حتى عندهم ابو صويلح |1||1||1||1| ونروح للمطار انا ومجيديف مجيديف معه شنطه  اما انا الله يخلف لا شنطه ولا هم يحزنون  والله ونركب الطياره ونحصل الناس يضحكون علينا مادري ليش تدرون ليش جايب معي مسجل ومشغل ميحد حمد ( احب البر والمزيون) وارقص سامري والله الاخ مجيديف طلع مثقف يزهم وينادي المضيفه ويقول لها انتي ياسستر ويصيح بصوته ( ابي قهووووووووووووووووووووووووه) وانواع التخلف يالربع شوي وتولع لمبه حمراء يقول فكوا الاحزمه والله ونسمع صوت دردب دردب طااااااااااااااااع طيع طاااااااااااااااااع طيع طوووووووووووووووع وانا اصيح ياويلي ويلاه ياويلي ويلاه احسب ان فيه مضاربه ومجيديف يقول ويقول عويزف جب العجراء خلني افجر وجه ابن اللذين <<=========<< متربين على الشر المهم نزلنا بماليزا والله ياشباب والله عندهم بنات يهبلووووووووووووووووون مره تصدقون اني اول مره ارقم دخلنا الفندق واحصل وحده تناظرني قلت بس هذي تبي الرقم واكتب الرقم واروح بجنبها واقول ( الرقم ياغرال) والله وتاخذه |10| |10| |10| ما صدقت على الله ان وحده تاخذه عقب ماكنت افقع البيض في باص البنات ونحصل رجال شكله من ربعنا ويسلم علينا هلاوالله يالله حيهم كيف الحال والله ويجيك الرجال ويعزمنا بمطعم صيني الله لا يوريكم انواع الفضايح ونروح للمطعم كلنا ومجيديف عنده شوي لغه انقليزي بس يعرف يس ونو المهم ونخش المطعم ويجي النادل ويعطي كل واحد قائمه الاكلات يالربع انا ماعرفت شيء يارررررررربي وش اختار والله احصل ذيك الكلمه الطويله قلت بس هذي شكلها نص تيس واختارها وناخذ ربع ساعه وتجينا الطلبات مجديدف طلع عنده مشويات اما انا جالس يشلووووون الطلب رجالين ويحطونه عندي يوم فتحوا الغطاء ويطلع بخاااااااااااااااااااار كثير قلت اووووووووف والله شكلها خوووووووش اكله تدرون وش طلع وووووووووووووووووووووووع الله يعز النعمه طلع ضعفد قصدي ضفدع ووووووووووووووووع يالربع والله تصدقون باقي على قيد الحياة من السر وتحت هذا مطبوخ ومن السر وفوق باقي حي تصدقون جالس يناظرني بعين قووووووويه لا وبعد يغمز لي بعين وانا اللي يوقف شعر راسي واصيح ياويلي ويلاه الحقوني يالربع الحقوني وانا احط رجلي واصيح واخيرا يمسكني مجيديف ونطلع ولا نعشينا وخلينا الحساب على الرجال اللي عازمنا للعشاء ( ترقبوا الجزء الثاني) من مغامرات التماسيح الجبليه مجيديف وعويزف 
|
|
| الكلمات الدلالية (Tags) |
| لاتفوتكم, ساااااالفه |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| صور طريفه لاتفوتكم | سرى الليل | :: حديث الصـورة وبـوح الكـاميــرا :: | 4 | 02-26-2012 09:01 AM |
| فطاير الشوايه لاتفوتكم | هدوء انثى | :: المائدة و الأطباق الشهيـــه :: | 5 | 01-10-2012 06:08 AM |
| لاتفوتكم لعبة الماااااارد | جمر الغضى | :: ألعـاب و تسـالي :: | 2 | 10-06-2011 11:06 AM |
| سيارات معدله لاتفوتكم | جمر الغضى | :: السيارات و المحركـات :: | 3 | 10-05-2011 08:17 AM |
| صورَ آبدآع لاتفوتكم!! | راااسم غلاك | :: حديث الصـورة وبـوح الكـاميــرا :: | 3 | 11-07-2010 12:09 PM |