قصيــدة شـاب فقيــر خطـب بنـت عمـه المليونبير - دروب المُحبين

ذكرى غرآمك · منذ /07-29-2011

كلام كبير

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

و ين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه

قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا السعودي

المهاا · منذ /07-29-2011

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

هههههههههههههههههههههه ماالومه والله زين مااتركب جريمه فيه

*****

صح لساانكِ رمووده ولسسان شاعرها

ابييات بقمة الروعه

لاهنتي يالغلااا

الشاعرة ليلى احمد · منذ /07-30-2011

قصيدة وربى العظيم

اكثر اكثر من رائعة

يسلمووو على هالكلام الجميل

اتمنى تقبل تواجدى ومروى المتواضع

سرى الليل · منذ /07-30-2011

عوافي ع هالطرح الرائع
آِحْتِرَآمِيِِ
,’

صعب تكراري · منذ /07-30-2011

يعطيــك آلف عــآفيه

آحترـآمي

~نسمه~ · منذ /07-30-2011

السلام عليكم ورحمة الله وبركاته
:1 (184):
ان شاء الله بخير وكله تمام

صراااااااحه القصيده قمه فى الابداااع
حلوه وتحكى الواقع اللى نعيشه

سلمت يمناكِ اختى على هذا الطرح
والانتقااااء الرائع , والله يعطيك العافيه

تقبلى مرورى
اختك نسمه

همس المشاعر · منذ /07-30-2011

قصيدة راائعه
يعطيك العافيه عالطرح
تسسلم الاياادي

ذكرى غرآمك · منذ /07-31-2011

يعطيكم الف عافيه عالمرور

عازفة الصمت · منذ /08-02-2011

يــــــــــعـــــــــــطــــــــيـــــــك العاااااافيه ...

صاحبة الرمش الحزين · منذ /08-03-2011

تسلمين على هذا الجمال

سطور في منتهى الاحساس
نقل رائع من ذوق أروع
لك ودي