غزيت انا يا عبيد بهلال عاشور
واول صفر والتوم كله تمامي
ثلاثة اشهر فوقهن تقل مصخور
ابطيت انا ما شفت زاه الوشامي
كم فاط من نيها تزعج الكور
تفصم مضاريس الرسن والخطامي
صبح اربع من يم عرعر وابا القور
حمرٍ تناسع بالنشاما همامي
وقال الشيخ / ضيدان بن زيد الفغم قصيدة منها الآتي:
إلى ركبنا فوق مثل المعاشير
نقعد حجاج اللي عن الحق ثاوي
هو ماتنا تاصل ثميد وابا القير
ولا يبعد الهومات كود النداوي
وقال العقيد / فارس بن شريان قصيدة منها الآتي :
حنا غزينا والركايب مباهير
ناخذ وننطل من حشاوي الاشدة
تسعين يوم للركايب نواطير
خطر على ذود المعادي نرده
وقال الشيخ / جهز بن شرار :
وليا تعلينا على اكوار حزاب
هجنٍ يبوجن الديار الخليه
ليا جا لهن مع ايمن النير مضراب
وما حدرت شرمه الى الشبرميه
كم ذود مصلاح نحرك له اسباب
وحنا الى شا الله نشتت نويه
إن جيت اعد اكواننا عد وحساب
كواين بفعول ما هي خفيه
بل كن تشهد لي مغاتير شباب
وكاين سبيع بوادي القنصليه
العرض العادي
