اغلى ضيوفي في غيابك ترى النوح
ليت الهجر من بين الاحباب ما لاح
لا ياوجودي ع الوصل كانه اشحوح
وجد القصيد ان غاب عن جزل {سداح }
بنخاك لا تبطي ترى الجسم مطروح
والقلب من مابه ب / الاوراق قد ساح
تحكي المدامع عن عنا القلب وتبوح
لو ان لساني يمسك الحرف ما باح
قد قلت لي : بان الهوى ضحك ومزوح
لكن اشوفه اليوم فاقد ل / الافراح
في غيبتك حسيت في [ غربة الروح ]
كن الجفا بردٍ وكن صوتك [ وشاح ]
كثر التغلي في الهوى ماهو مسموح
وكثر العتاب احيان ما يجني ارباح
مالك بطول البعد يا خلي مصلوح
تعال وازعج كل همي وانا ارتاح
غلاك ما يشبه سوى [ الشمس ] بوضوح
وعطر المحبه مبطيٍ بيننا فاح
لو جيت باذمك يجي القاف ممدوح
منزلك راسي لا عصف عذل ب / رياح
فارق حبيبي ولا يساويك مملوح
جعلك بعد من اقبل وبعد من راح
لك في حنايا الروح تذكار مفضوح
ول / عروق دمي جيش الاشواق مجتاح
اشياءك اللي عندي لو قلت : بروح
( موترك ، وشماغك ، وجوال ، ومسباح )
في كل صوره اشوفها وعيني تفوح
ملعون ابو ه / البعد للوصل سفاح
من غبت؟ جوالي الى اليوم مفتوح
ماقفله خوفي لاتجي يمي منزاح
قالوا : ترى رقمك من الخط ممسوح
واذكر بان اللي بيدي وقتها طاح
معقوله تلحق جرحي الاول جروح
وانت اللي من اول قفلته ب / مفتاح
تعال ما صارت ترى الدمع مسفوح
ما باقي فيني [ شي ] ل / لقاك ، ماصاح
خلني اعيش الباقي من عمري باللوح
في وسط قلبك لو تعنيني جراح
الحال ف / ابياتي ، غدا اليوم مشروح
كذاب من يحكي لك : ( بخير ، مرتاح )
للشاعرة الكويتية:
متعبة عسافها
قالوا : ترى رقمك من الخط ممسوح
العرض العادي
